Kinaadlaw nga Pagbasa
PAGBASA I
Is 40: 1-11
Pagbasa tiknng hnn Basahan ni lsaias nga manaragna.
“Pagliawa an akon mga tawo,” nasiring an aton Dyos, “Pagliawa hira! Dasiga an mga tawo han Jerusalem. Sumati hira nga igo na an ira pag-antos, ngan ginpasaylo na an ira mga sala. Ginkastigo ko na hira hin igo tungod han ngatanan nira nga mga sala.” Nagoliat in usa nga tingog, “Andama didto han kamingawan an dalan para han GINOO! Tadonga an mahawan nga dalan didto han kamingawan para han aton Dyos! Tak-opi an tagsa nga kahamub-an, panasa an tagsa nga bukid. Pataga an kapungtoran; ngan hamisa an batoon nga tuna.
Niyan igpapadayag an himaya han GINOO, ngan hikikit-an ini han ngatanan nga katawhan, An GINOO ngahaw an nagyakan hini,” Nagoliat in usa nga tingog, “lgsangyaw in usa nga mensahe!” Napakiana ako, “Ano nga mensahe an akon igsasangyaw?” “Igsangyaw nga an ngatanan nga mga tawo sugad la hin banwa sugad la han mga bukad ha kapatagan nga nalalaya la dayon. Nalalaya an banwa ngan nararapdag an mga bukad kon huypon ini han ginhawa han GINOO. An mga tawo sugad la han mga banwa! Oo, nalalaya an banwa ngan nararapdag an mga bukad, kundi nagpapadayon an pulong han aton Dyos.” Jerusalem, sagka ngadto hin hitaas nga bukid, ngan igsangyaw an maupay nga Sumat! Goliat hin dako nga tingog, Sion; ipahibaro an maupay nga sumat! Pagyakan ngan ayaw kahadlok, Sumati an mga bungto han Juda, nga maabot na an ira Dyos! Maabot na an GINOO nga Dyos paghadi makagarahum hiya nga hadi, ngan dara niya an mga tawo nga iya gintalwas. "Pagmamangnoan niya an iya panon sugad hin magmarangno han mga karnero; pagtitirokon niya an nati nga mga karnero, ngan iya hira kukugoson; ngan iya aagakon adton anakan nga mga karnero.
An Pulong han Ginoo.
SALMO RESPONSORIO
Sal 96: 1-2,3, 10, 11-12, 13
Naabot an Ginoo nga dara in kusog.
1. Pag-awit han Ginoo hin bag-o nga kanta;
pag-awit han Ginoo, kamo nga mga tuna.
Pag-awit han Gino0, pasalamati iya ngaran;
ha kada adlaw igsumat an iya katalwasan.
Naabot an Ginoo nga dara in kusog.
2. Ha mga kanasuran himaya niya igsumat;
ha mga nasud, mga urusahon niya nga buhat.
Sidnga an mga nasud: “Hadi an Ginoo!
ngan an iya paghukom tama gud ug igo.”
Naabot an Ginoo nga dara in kusog.
3. Maglipay an langit; an kalibutan magrayhak;
umuwang an dagat ngan an mga butang dida.
Magrayhak an kapatagan ngan an aada ha ira;
Niyan an mga kakahuyan magrayhak liwat
Naabot an Ginoo nga dara in kusog.
4. Ha atubangan han Ginoo hi kamo pagrayhak,
kay hiya naabot han kalibutan pagdumara;
basi an kalibutan hukman hin igo ug tama.
upod an mga tawo, han kamatuoran niya.
Naabot an Ginoo nga dara in kusog.
PAGBASA II
Mt 18: 12-14
+Pagbasa tikang han Ebanghelyo nga sinurat ni San Mateo.
“Ha iyo paghunahuna, ano an bubuhaton hin usa ka tawo kon mawad-an hiya hin usa han iya usa ka gatos nga mga karnero? Babayaan niya an kasiyaman kagsiyam nga nananabsab ha ligid han pungtod, ngan malakat hin pamiling han nawara. Nasiring ako ha iyo, kon hiagian niya ini, labaw kamalipayon hiya tungod hini nga usa nga karnero kay han kasiyaman kagsiyam nga waray mawara. Ha amo gud nga kaagi, diri karuyag han Amay niyo ha langit nga may mawara hini nga mga gudtiay nga kabataan.
An Maupay nga Sumat han aton katalwasan.