PAGBASA I

Is 48: 17-19

Pagbasa tiknng hnn Basahan ni lsaias nga manaragna.

​

Nagsiring an baraan nga Dyos han Israel, GINOO nga nagtutubos an ha iyo: “Ako amo an GINOO nga iyo Dyos, nga karuyag magtutdo ha iyo tungod han iyo kalugaringon nga kaupayan, ngan nagmando ha iyo didto han dalan nga iyo pag-aagian. Kon pinamatian la unta niyo an akon mga sugo! Mag-aawas unta para ha iyo in mga kaupayan sugad hin sapa nga diri nahubas! Maabot unta ha iyo an pagdarag an sugad han mga balod nga nalapya ha baybayon. Masusugad unta han mga baras kadamo an iyo mga tulin, ngan gintalinguha ko nga diri gud hira mapuo.

​

An Pulong han Ginoo.

SALMO RESPONSORIO

Sal 1:1-2, 3, 4 & 6

An nagsususnod ha imo Ginoo, magmamapawa an kinabuhi.

1. Palaran an tawo nga diri natuod han sagdon han mga magraot,

nga diri nasunod han susbaranan han mga makasasala

o natampo hadton nagtatamay han Dyos.

Lugod, ikinalilipay niya an pag-aram ha balaod han Ginoo,

ngan pamalandong hini ha adlaw ngan gab-i.

An nagsususnod ha imo Ginoo, magmamapawa an kinabuhi.

2. Pareho hiya hin kahoy nga naturok ha ligid hin sapa,

nga nabunga ha igo nga panahon,

ngan diri nalalaya an iya mga dahon.

Nauswag hiya ha ngatanan nga iya binubuhat.

An nagsususnod ha imo Ginoo, magmamapawa an kinabuhi.

3. Diri gud sugad hinin adton mga mag raot,

kundi sugad hira hin ohot nga iginpapalid han hangin

Kay an Dyos nagmamangno han iya mga tawo,

kundi mawawara ha kadayunan an mga nagbubuhat han karat-an.

An nagsususnod ha imo Ginoo, magmamapawa an kinabuhi.

PAGBASA II                                                                                                

Mt. 11:16:19

+Pagbasa tikang han Ebanghelyo nga sinurat ni San Mateo.

“Niyan, ano man an akon itatanding han mga tawo yana nga panahon? Sugad hira hin kabataan nga nagkakalingkod didto ha taboan. Nagoliat an usa nga hugpo ngadto han lain nga hugpo, Nagtokar kami para ha iyo hin maribhong nga tokar, kundi waray may nasayaw! Nagkanta kami hin mga masulob-on nga mga awit, kundi waray kamo magtangis! Han pagkanhi ni Juan, nagpuasa hiya, ngan waray uminom hin bino, ngan nagsiring an ngatanan, “May-ada yawa dida ha iya!” Kinanhi an Anak han Tawo ngan kinaon ngan ininom hiya, ngan nagsiring an ngatanan, “Kitaa daw niyo ini nga tawo! Malamon ngan parahubog hiya, sangkay han mga parasukot hin buhis ngan mga tinamay!” Kundi ginpapakita nga matuod an kinaadman han Dyos pinaagi han mga bunga hito nga mga buhat.”

​

An Maupay nga Sumat han aton katalwasan.

​