PAGBASA I

Sof 3: 14-18

Pagbasa tikang han Basahan ni Sofonias nga manaragna.

Pagkanta ngan goliat hin Kalipay, mga tawo han Israel! Pagrayhak hin kinasingkasing, Jerusalem! Ginpahunong na han GINOO an pagkastigo ha iyo; ginkuha na niya an ngatanan niyo nga mga kaaway. Aada ha iyo an GINOO nga hadi han Israel; Waray na kamo sadang kahadlokan. Maabot an panahon nga masiring hira ha Jerusalem, “Ayaw kahadlok, syudad han Sion! Ayaw paluyaha an iyo mga kamot! Aada ha iyo an GINOO nga iyo Dyos; Mahatag hin pagdarag-an an iya gahom. Malilipay ha iyo an GINOO, ngan ha iya paghigugma tatagan kamo niya hin bag-o nga kinabuhi. Magkakanta ngan magmamalipayon hiya tungod ha iyo, sugad kamalipayon hin mga tawo didto hin pyesta.” Nasiring an GINOO,  “Gintapos ko na an akon pagtarhog hin pagpuo ha iyo ngan ginkuha ko na an iyo kaarawdan.

An Pulong han Ginoo.

SALMO RESPONSORlO                                         

Sal. 12:2-3,4,5-6

​

Guliat hin kalipay ug pagrayak;

an bantugan ha imo butnga an Baraan han  Israel.

1. Tinuod nga an Dios, an akon magtaralwas;

natapud ako ha iya, waray ko pagkahadlok.

An Ginoo an akon kusog, ug an akon kadasig,

waray na gud iba hiya an akon magtaralwas.

Guliat hin kalipay ug pagrayak;

an bantugan ha imo butnga an Baraan han  Israel.

2. Pasalamati an Ginoo, pagdayawa an iya ngaran;

ipasabot ha mga tawo an iya mga binuhatan,

kon ano kaharangdon ipasangyaw an iya ngaran.

Guliat hin kalipay ug pagrayak;

an bantugan ha imo butnga an Baraan han  Israel.

3. Pag-awit hin pagdayaw ngadto han Ginoo,

kay an iya mga binuhat duro kamaaramdok.

Guliat hin kalipay, 0 syudad han Sion;

bantugan ha imo butnga, an Baraan han Israel.

Guliat hin kalipay ug pagrayak;

an bantugan ha imo butnga an Baraan han  Israel.

PAGBASA II

Fil. 4.4-7

Pagbasa tikang han Surat ni Apostol Pablo ngadto han mga taga Filipo.

Dayuday malipayon kamo ha iyo pakig-usa han Ginoo. Babalikon ko hin pagsiring: pagkalipay kamo! Ipakita niyo ha ngatanan an iyo ka malumo ha kasingkasing. Diri na maiha mabalik an Ginoo. Ayaw kamo kabaraka hin bisan ano, kundi dida ha iyo mga pag-ampo, pangaro han Dyos han iyo mga kinahanglanon, ngan dayuday upod an pagpasalamat. Ngan an kalinaw han Dyos nga diri natutugkad han hunahuna han tawo mag-upod han iyo mga kasingkasing ug hunahuna dida han iyo pakig-usa kan Cristo Jesus.

An Pulong han Ginoo.

​

​

PAGBASA III

Lc. 3:10-18

+ Pagbasa tikang han Ebanghelyo nga sinurat ni San Lucas.

Nagpakiana ha iya an mga tawo “Sanglit, ano man an amon bubuhaton?” Binaton hiya, “kon hin-o in may duha nga bado, kinahanglan tagan niya an tawo nga waray bado, ngan kon hin-o in may pagkaon kinahanglan makigsaro hiya.”

​

Inabot pagpabunyag in mga para sukot hin buhis ngan nagpakiana hira ha iya, “Magturutdo, ano man an amon bubuhaton?” Ginsiring niya hira, “Ayaw kamo pagsukot hin diri na igo ug kaangayan.” Nagpakiana liwat ha iya in mga sondalo, “Hi kami, ano man in amon bubuhaton?” Ginsiring hira niya, “Ayaw kamo panikas pinaagi hin panarhog o pagbutangbutang. Ayaw kamo pag-uba han hatag ha iyo nga suhol. Dinugang an paglaom han mga tawo, ngan nakahunahuna hira hiunong kan Juan, nga bangin hiya na an Mesiyas. Sanglit, nagsiring hi Juan ha ira ngatanan, “Nagbubunyag ako ha iyo hin tubig, kundi maabot in labaw pa ha akon. Diri ngani ako takos hin paghubad han higot han iya sandalyas. Pagbubunyagan kamo niya han Espiritu Santo ngan hin kalayo. Dara niya an igparalid nga nigo hin pagpalid han giniok nga mga inani, ngan pagtirok han trigo ngadto han iya kamalig: kundi iya susunogon an ohot didto ha kalayo nga diri gud mapaparong.” Gindasig ni Juan an mga tawo hin damo kalain nga mga paagi, samtang nga nagwawali hiya han Maupay nga Sumat ha ira.

​

An Maupay nga Sumat han aton kataiwasan.

​