DOWNLOAD PDF (A5 size)

PAGBASA I 

Heb 10: 19-29

 Pagbasa kinuha han surat ni ngadto han mga Hebreo.

Sanglit, kabugtoan, may-ada na kita hingpit nga kagawasan hin pagsulod han Labi ka Baraan nga Dapit tungod han kamatayon ni Jesus.  Gin-abrihan niya para ha aton in bag-o ngan buhi nga aragian, pinaagi han biray – ha aton pa, pinaagi han iya kalugaringon nga lawas.  May-ada kita gamhanan nga padi nga tinapuran han balay han Dyos.  Sanglit dangop kita han Dyos upod in tangkod nga kasingkasing ngan marig-on nga pagsarig, upod in mga kasingkasing nga nalinisan na tikang hin salaan nga konsensya ngan panhunahuna, ngan mga lawas nga nahugasan na hin limpyo nga tubig.  Kapti naton hin maupay an aton paglaom, kay makakasarig kita han Dyos nga magtutuman han iya saad.  Pagdinasigay kita hin pagpakita han gugma ngan pagbuhat hin maupay.  Ayaw naton baya-i an aton nabatasan hin pagkatirok, sugad han binubuhat han iba.  Lugod, pagdinasigay kita, labi nagud nga nakita kamo nga nagtitikahirani na an Adlaw han pagbalik han Ginoo.

Kay waray na gud iba nga halad nga makakakuha han mga sala kon tuyoon gud naton hin pagpinakasala katapos ipahibaro ha aton an kamatuoran.  Lugod, an nahibilin amo na la an pagkahadlok han ginpapamulat nga paghukom ngan an mapintas nga kalayo nga makakaugtang hadton mga nasupak han Dyos!  Ginpapatay hin waray kalooy an nagtatalpas han Balaod ni Moises, kon paghukman hin duha o tulo nga mga testigo nga salaan.  Sanglit, ano man an mahinanabo han tawo nga nagtatamay han Anak han Dyos? Nga diri nagmamahal han dugo nga ginsaaran han Dyos, nga naglinis ha iya tikang han iya mga sala? Nga nagbiaybiay han Espiritu nga nahatag hin grasya? Paghunahuna daw kon ano ka dako nga sirot an angay ha iya!

An Pulong han Ginoo.

SALMO RESPONSORIO

Sal 24: 1-2, 3-4, 5-6

Amo ini an mga tawo nga nagbibiling ha imo, Ginoo.

1. Tag-iya an Ginoo han tuna ug han ngatanan nga aanhi ha tuna,

Han kalibutan ug han ngatanan nga nag-uukoy dinhi,

Kay iya gintindog ini ha bawbaw han kadagatan,

Ngan ginpadig-on niya ha bawbaw han mga katubigan.

 Amo ini an mga tawo nga nagbibiling ha imo, Ginoo.

2. Hin-o an makakasagka han bukid han Ginoo?

Hin-o in makatukdaw ha iya baraan nga dapit?

Adton waray dumit an kamot, malinis an kasingkasing,

Adton diri naiipa nga mga waray pulos nga butang.

Amo ini an mga tawo nga nagbibiling ha imo, Ginoo.

3.  Makarawat hin kaupayan tikang han Ginoo,

Hin balos tikang sa Dyos an iya Manunubos,

Amo ini an tulin nga nagbibiling ha iya,

Nga nagbibiling han bayhon han Dyos ni Jacob.

Amo ini an mga tawo nga nagbibiling ha imo, Ginoo.

PAGBASA II 

Mc 4: 21-25

 Pagbasa tikang han Santos nga Ebanghelyo sumala kan San Marcos.

Nagpadayon hi Jesus, “Kon may-ada nagdadara hin suga, tinatakloban ba niya ini, o ibinubutang ba ha sirong hin higdaan?  Diri ba ikinakadto ha iya burutangan?  Ipadadayag an natatago; bubuksan an natatahuban.  Kon hin-o an may mga durunggan, mamati hin maupay!”

Nagsiring pa hiya ha ira, “Tigamni an iyo hinbabatian.  An amo ngahaw nga mga lagda nga ginagamit niyo hin paghukom han iba, amo man an gagamiton han Dyos hin paghukom ha iyo, bangin labaw pa hin kamakuri.  Tatagan pa adton may-ada na; kukuhaan adton waray, bisan han gutiay nga aada ha iya.”

An Maupay nga Sumat han aton katalwasan.