San Tigaman san Santa Cruz,

Sa amon mga kaaway,

Bawion mo kami Ginoo nga Dios namon,

Sa ngaran San Amay, ngan San Anak,

Ngan San Espiritu Santo. Amen.

GINOO KO JESUCRISTO

Ginoo ko Jesucristo, Dyos ug tawo nga matuod, Magburuhat ug Manunubos ko; nagbabasul ako nga gayud han akon mga sala ngatanan ha bug-os nga kasingkasing ko kay nahagugma ako ha imo labi han ngatanan, kay Dyos ka man. Nagtutuyo na man ako nga diri na ako makasala liwat, ngan igkokompisal ko an akon mga sala ngatanan. Naglalaum na man ako nga pagwad-on mo an akon mga sala ngatanan, tungod han mahal nga pagsakit ug pagkamatay mo ha Cruz, kay hi ako. Amen Jesus.

PAG-AMPO HA ADLAW NGATANAN

O matam-is uyamot nga Jesus nga ginraysang ka ha kruz, Ikaw man an Amay nga maloloy’on; gamiton mo ha akon an imo daku nga kalooy, kay ako an labi nga taramayon ug makalolooy nga makasasala; tungod ha Imo santos uyamot nga pagkasakit, tan’awa an akon kalag ha mga mata nga mahinuklogon, ug an ngatanan nga mga kalag ha Purgatorio; ug tungod han mga kasakit ug kapaitan han Imo Dyosnon nga Iroy nga maloloy’on ug darangpan han mga makasasala, tagan mo ako hin usa nga matuod nga paghinulsul han akon mga sala, ug gawson Mo an mga kalag ha Purgatorio hadton mga kasakit; tagan Mo hira han himaya ugh an iginsaad Mo ha ira nga pahuwayan. Amen.

PAG-AMPO HAN SYAHAN NGA ADLAW

Manunubos ko, gugma ha mga kalag nga putli, tungod han kasakit ug pag’ilob mo han pagraysangan ha Imo ha Kruz, paglabasan Mo an akon kalag han raysang han santos nga kahadlok ha Imo, ug agakon Mo ako ha dalan ha Imo Diosnon nga mga sugo.

​

Nagluluhod ako ha Imo mga tiil, nagsisingba ako ha Imo matam’is uyamot nga Jesus, ug tungod han kasakit nga ginbati han Imo masurob’on nga Iroy, nangangamuyo ako ha Imo nga gawson mo na an mga kalag ha purgatorio hadton mga kasakit, dad’on Mo na hira ha pahuwayan nga waray katapusan ha himaya. Amen.

KATAPUSAN NGA PAG-AMPO NGA PANGADYEON

HA ADLAW NGATANAN HA NOVENA

O maupay nga Jesus, Hadi han Himaya! Gawson Mo ha mga kasakit ha Purgatorio an mga kalag han mga minatay, gawson mo hira Ginoo, ha mga kaguol ug mga kasakit nga ginbati nira, tungod han ginbati mo ha Kalbaryo ugh an Imo masurob’on nga Iroy. Busa, ha pagtabang ha ira ihalad namon ha Imo, Dios ko, an amon mga pag’ampo, mga penitensya ug mga pangaraba, upod an usa ka matuod nga paghinulsul han amon mga sala. Karawaton Mo Ginoo, inin mga pag’ampo, ug itugot Mo nga hi San Miguel Arcangel nga igintutdo Mo ha mao nga opisyo, komadto na ha pagkuha han mga kalag nga bulahan didto ha kangitngitan ug kasubu ha mga kasakit, ug pagdara ha ira ha kahayag ug kalipay ha himaya. Amen.

​

MGA PAG-ARABA HAN MGA KALAG HA PURGATORIO

(Basahon ini ha ngatanan nga adlaw han novena)

Ay tawo nga maginloy’an

Nga Amon ginlalauman.

Ha langub nga amon ginpoy’an

Iyo kami panabangan.

1. Ay inmagi na kami

Hiton walog nga luhaan,

Tinabangan kami ha iba

Ngan ha amon waray natabang?

Diri kunta niyo hikalimtan

Nga an malooy pagbabalsan.

Ha langub…

2. Ginlibutan man kami

Hin kasakit nga kadam’an

Han kalayo nga masiga

Ngan ginhuhuyop hin dayon.

Kay diri gayud mapadngan

Han Diosnon nga kinaadman.

Ha langub… etc.

3. An mga sala nga gudtiay

Amon laginpasipad’an

Ha waray nga gayud pagtagam,

Nga ha sugad nga batasan

Nahimo kami nga takus

Hinin amon puroy’anan.

Ha langub…

4. An lima nga balatian,

Nga rayandayan han lawas

Mga ginamit han tawo

Ha iya kasalanan;

Ginsakit hin daku did

Balus hin ginkalipayan.

Ha langub…

5. An daku gud nga pag’antos

Hini nga pagkabutang

Diri kay an kasakitan;

Kundi an kadugay lamang

Ha pag’atubang ha Dios

Nga amon kinahihidlawan.

Ha langub…

6. Ikalimot nga waray sugad

An ha mga kauropdan!

Nanhiagum lamang hira

Han amon kinabudlayan;

Waray nira pagpalandong

Han ira katigurangan.

Ha langub…

7. An ha kalooy nga buhat

Amo an amon kinahanglan

Ha pag’ampo ug pagpamisa

Iyo kami kahalaran;

Waray lain tambal, kristyanos,

Han hini nga kalisdanan.

Ha langub…

8. Pulong man ni Jesucristo

Ngan an ha Langat nga dalan

Masigpit nga waray sugad,

Ha talagsa la gin’again

Ngan kalooye kami niya,

Kay ha Dios kamo babalsan.

Ha langub…

9. An iyo mga kinabuhi

Sugad la hin hangin, mawara,

An mga kalipayan ha tuna

Dao aso umagi lamang

Tumanon niyo an kalooy

Basi ha orhi pagbalsan.

Ha langub…

Ay tawo nga maginloy’an

Nga amon ginlalauman.

Ha langub nga amon ginpoy’an

Iyo kami panabangan.

V. Audivi vocem de coelo dicentem mihi

R. Beati mortui qui in Domino mortuntur

OREMUS

Deus veniae largitor, et humanae salutis amator, quaesumus clementiam tuam ut nostrae congregation is Fratres. Propingous et Benefactores, qui ex hoc saeculo transierunt Beata Maria simper Virgine intercedente, cum omnibus Sanctis tuis as perpetuae beatitudinis consortium pervenire concedas.

Fidelium Deus omnium conditor et Redemptor, animabus famulorum famularum qua tuarum, remissionem cuctorum tribue peccatorum; ut indulgentiam quam simper optaverunt piis suplicationibus consequantur. Qui vivis et regnas in saecutorum. Amen.

​

________________________________________________________

​

PAG-AMPO HA IKADUHA KA ADLAW

O kamut nga too han Mamamawi, kamut han mga pinili! Oh pira an hin’unungan Mo ha pagtubus han mga makasasala nga nagraysang ha Imo dida ha Kruz. Mag’ukoy ka gihapon, Dyos ko ha akon too, basi ako mahimutang liwat ha imo too ha adlaw han paghukum, tungod han mga kasakit nga gin’antos Mo ugh an ginbati han Imo masurob’on nga Iroy, buhat nga kalugaringon han kamot kaloy’an Mo, ha daku nga paghinuklog an mga kalag ha Purgatorio. Kay nalooy ka na pagpili ha ira ha grasya, ihatag mo na man ha ira an bunga han pagkapinili ha himaya nga waray katapusan. Amen.

​

(Ha ngatanan liwat nga adlaw katapus han PAG-AMPO ha ikinaadlaw, isunod an KATAPUSAN NGA PAG-AMPO ug an MGA PAG-ARABA…)

PAG-AMPO HA IKATOLO KA ADLAW

Matam’is uyamut nga Jesus; kon an Imo kamut nga wala, bisan kon Diosnon, sugad han too, nakatudlok ha mga pinilian, ug hiya magkondenar man, nagsisingba ako han Imo harangdon nga katadungan, ug nangungurog ha kahadlok, nga ako mao an usa nga pinilian tungod han kadamu ug kadagku han akon mga sala; nangangamuyo ako ha Imo, nga pabalhinon Mo unta ako tikang ha wala ngadto ha too, kay dinangop ako tikang ha ka pungot han Imo katadungan ngadto han Imo kalooy, ug tungod han mga kasakit han Hadi han mga Angeles ngan an Iya matuod nga mga devotos, diri gud mahihimo nga mga pinilian, nag’aampo ako ha Imo ha daku nga pagpaubos, nga pakadtoon Mo na ha langit an mga kalag ha Purgatorio, gikan ha kabutlaw ngadto ha pahuwayan ha himaya, diin magdadayeg hira han Imo mga kalooy ha waray katapusan. Amen.

PAG-AMPO HA IKAUPAT KA ADLAW

Jesus nga mahigugmaon uyamut, kon an mga hampak mao an kastigo han mga oripon, ug labi pa nga gayud, han mga makasasala nga mahimo na hira nga oripon han yawa, kay ano nga Ikaw, tag’iya han amon kaburot’on gintan’aw Ka yana, waray na bayhon tungod han mga hampak? Ay, pagkawaray ko alo! Ug kay ano nga ginbaydan Mo han Imo putli uyamut nga Lawas an mga sala han akon taramayon nga lawas? Nagsasa’ad na ako, Ginoo, pagbuhat han matuod nga penitensya ug pagpugong han akon kaipahon; tungod hini, upod an mabangis nga mga hampak nga gin’antus Mo didto han gairan, ihalad ko ha Imo an pagtabang han mga kasakit nga gin’antus han Imo mahigugmaon nga Iroy, hini nga kaagi nga labi ka maka aalo, karawaton Mo inin kaburot’on ko nga amo an paghigugma ug pagsirbe ha Imo ha gihapon. Amen.

​

PAG-AMPO HA IKALIMA KA ADLAW

An mga makasasala mapudongpudong hin mga bukad, ug Ikaw bukad nga matahum, nazareno nga labi nga pinili, ginkoronahan Ka hin mga tunok. Oh, kon ito nga korona nadulot pa unta ha akon ulo, basi tungod ha iya, mauutod ko an pagpalabilabi ug an ngatanan nga mag kadilain nga mga magraut nga hunahuna. Oh, kon dumolot pa unta ha sakob han akon conciencia an bisan usa la nga tunok ngan diri umokoy ngada nga mabag’o inin akon kinabuhi! Dyos ko, diri na ako buot hinin kalibutan, ug hinin pudong pudong nga bikad, kun diri han mga tunok nga tinulapos han Imo Santos nga Iroy ug Iroy ko man liwat nga malolooyon uyamot, tugutan Mo an mga kalag ha Purgatorio han korona nga diri Malaya ha himaya. Amen.

PAG-AMPO HA IKAUNOM KA ADLAW

Ginoo, nga nag’ula Ka han mapait nga luha didto ha Kruz ug ako waray mag’ula bisan mausa ka toro nga luha tungod han akon mga sala! !Ah, Dyos ko, pagkabuta ko, ug pagkatapang ha diri pagkilala kon ano an karautan han pagbulag ko ha Imo! Lamragan Mo ako, maupay nga Jesus, kay Ikaw man an kahayag han kalibutan ug an mando han mga nasoyup! Tungod han Imo mga luha ugh an Imo masurob’on nga Iroy, pahumoka an akon kasingkasing ug hatagan Mo ako han mga luha ha pagbasul, ug paghinulsul, kay tikus na ako hin diri na pagbalik ha pagpakasala. Pahiron mo an mga luha han mga kalag ha Purgatorio ngan paangbiton Mo na hira han kalipay ha pagkita han Imo bayhon didto han ginhadian nga langitnon. Amen.

PAG-AMPO HA IKAPITO KA ADLAW

Kon tungod han kauhaw Mo Ginoo han katalwasan han mga kalag maka’angkon pa unta ako han akon katalwasan! Manunubos ko! Oonanhon ko an pagangkon han mga virtudes sugad han akon mga bisyo ug mga sala! Gin-angkon Mo la an kapaitan ug waray Ka karuyag han kalipay tungod han uraura nga pagtalapas ko ha akon baba, ug waray ko pagpugong han akon dila, ibutang Mo, maupay nga Jesus, an mahilum ha akon dila ug baba ug tungod han paghilum nga maambungan han Imo masurob-on nga Iroy, nga waray nga gayud butus hiya hin usa nga waray katapusan nga kasakit, parunga na an kauhaw nga daku han mga kalag ha Purgatorio; kauhaw ha pagkita ha Imo, paghadi upod ha Imo ug pagdayeg ha Imo ha waray katapusan. Amen.

PAG-AMPO HA IKAWALO KA ADLAW

Matam-is uyamut nga Jesus, ano nga mga kabudlay an sadang ko ipanghay kon palandungon ko Ikaw nga nag’antus dida ha Kruz nga ginbayaan Ka? Ginpasagdan Ka han Dyos nga Amay, nga nag’antus sugad hin diri Ikaw anak Niya; ug an pagtan’aw nga mahinoklogon han Imo masurob’on uyamut nga Iroy, nakadugang pa han Imo mga kasakit. Oh susgaranan nga maka’aalo han akon waray pagpasiensya ha mga kahago! Ipahamutang ha akon, Ginoo, an mga kabutlaw nga makapahimuot ha Imo, kundi opdi han pag’antus ug pagpailub, nga mao an dalan nga matuod ha Langit. Tungod han daku nga kasakit nga ginbati han Imo putli nga Iroy, han paghingotas Mo ha atubangan han iya mga mata, panalipdan Mo ako batok han mga panulay hinin kinabuhi, pag’opdan Mo ako ha oras han kamatayon, ug tungod hadton mao mao nga pagbaya, pag’opdan Mo an mga kalag ha Purgatorio, nga ha Imo pag-upod ug pagtabang han Virgen Maria, naglaum hira nga makakita han Imo waray katapusan. Amen.

PAG-AMPO HA IKASIYAM KA ADLAW

O bangkaw nga mabangis nga gin-abrihan mo an kagiliran han Manunubos nga patay na! Oh pagkamatam-is ug kamahigugmaon Mo, gin’abrihan Mo ako ha sudlanan nga masayon han matam’is uyamut nga kasingkasing ni Jesus! Oh kasingksaing ni maria, nga gin samara hadton makaharadlok nga bangkaw, abuta an akon kasingkasing ug itampo han iyo mga kasingkasing basi mahimo unta nga usa nga kasingkasing nga maligdong, kasingkasing nga mapainubsanon ug usa nga kasingkasing nga magdilaab han kalayo han Gugma nga Dyosnon ug mahinoklogon kaupay ha mga kalag ha Purgatorio, ug ha iba pa nga mga kinahanglan, inupdan han mga buhat, magpakita han paghinoklog ko ha pagsud’ong ko ha ira. Nasasakit ako, ha bug’os nga kasingkasing ko, matam-is nga gayud nga Jesus, nahagugma ako ha Imo, nga gikan ha kasingkasing ko nag-aampo ako ha Imo, nga lipayon Mo an mga kalag ha Purgatorio nga naghihingyag na hira hin daku ha pagkadto ha Langit. Itubyan na ha ira, Amay han kalooy nga Dyosnon an ngatanan nga kalipay; tungod han putli nga kasingkasing ni Maria, kay Ikaw gihapon an kalipay han akon kasingkasing, nasasakit ako ug nabibido pa, han pagtamay ha Imo samtang mabuhi ako, kay Ikaw man ug Ikaw sa gihapon an Jesus han akon kasingkasing. Amen.