Ini nga Novena pagbubuhaton bisan san-o nga bulan, kundi maupay buhaton ini basi magmaupay ug magmapulsanon an pagbuhat hini nga novena, magkumpisal ug kumarawat han Mahal nga lawas han

Ginoo.

Maluhod ha atubangan hini nga ladawan han   mahal nga Birhen han Candelaria

Sa ngaran sa Amay...

I. ACTO DE CONTRICION

 Ginoo ko matuod nga Dios ug matuod nga tawo; magburuhat ngan manunubos ko, nagbabasol ako nga gayod han akon mga sala ngatanan, ha bug-os nga kasingkasing ko kay nahagugugma ako ha imo labi han ngatanan kay Dios kaman. Nagtutuyo ako hin dire na   pakasala liwat ngan igkokompisal ko man an akon mga sala ngatanan. Naglalaom ako nga pagwawad- on mo    an akon mga sala ngatanan. Tungod han mahal nga pagkasakit ug pagkamatay mo ha krus, kay hi ako amen Jesus.

II. ORASYON HAN IKINAADLAW

O, Birhen Maria han Candelaria, ikaw an maligdong nga darangpan nga takus daupan han mga  makasasala, han paghatag mo han kalibutan nga tigaman han imo gugma inabot ka didto ha Tenerife, sugad han adlaw nga malamrag, ug han paglawag mo han kandila ha kasisidman ha adlaw nga kinaptan mo han imo kamot nga marahalon. Pareho ako hin usa nga Guanche nga          diwatahan tungod han akon pagkamakasasala; busa nadangop ako ha imo kalooy, ug bisan diri ako takus ngaranan nga anak mo, naglalaom ako nga imo ako isipon nga anak. Karawaton mo Birhen namon nga      mahal, an akon kasingkasing sugad han pagkarawat mo han kasingkasing han mga diwatahan. Lamragan mo an akon kalag nga aada han butnga han sala. O, Iroy namon nga magin loloy-on padatnga kami hin grasya, nga ipakatanding  namon han amon mga kagawian, basi kilal-on kami nga mga anak mo. O hamili nga Birhen Maria han            Candelaria, nga takus ha bug-os nga katalahuran,         pasarigon mo kami ha matuod nga tuloohan nga sumama kunta ha marig-on nga gayud nga pagtoo ha mga        matinuoron nga mga tawo, nga nahihidlaw han santos nga Amay sa Dios nagtikang ha imo mahal nga tiyan. Itugot mo ha amon an gintutuyo hini nga novena kun baga angay han buot sa Dios, ug makaupay man han amon kalag. Amen.

Maghimaya ka Maria (3x)

​

III. SIYAPA NGA ADLAW

 O, harangdon nga Reyna han langit, han pagkadto mo ha Tenerife, kay karuyag mo didto na umukoy, waray nimo pagpakiwaha an usa nga butkon hini nga Guanche nga malabad, kay karuyag magbato ha imo, idangat mo man kami han imo anak nga hi Jesus ha amon tuyo ug  pinangangabay hini nga novena, basi paglikyan ko an pagpakasala nga amo an matig-a nga bato nga iginlalabay ha imo, ug padangatan mo kami han ginhadian han langit, Amen.

Maghimaya ka Hadi…

​

IV. KATAPUSAN NGA PAG-AMPO HA IKINAADLAW

O, Dios nga makagarahum nga sanglitanan, ikaw nga nagpakatawo ug iginhalad han imo Santos nga Iroy, didto ha singbahan ha Jerusalem, pagtuman han sugo ha pag-atubang didto nga gin-gapos ka ha mga butkon han Santos nga tigurang hi San Simeon, nga manaragna nga hi ikaw an kamatayon nga dayon ha kadam-an didto ha Israel, ug nga ikaw an tuyo han pagkalaris-laris, itugot ha akon Ginoo an pagdumot han akon mga sala han        pagbalhin han akon batasan ug paghugas han akon kalag dida ha hukmanan ha kompesalan, kay basi ko makuha na an akon mga sala makatuman unta ako han mga sugo sa    Dios ug maka-upay man han akon kalag ug uyon man han imo Santos nga kaburot-on. Kalooy-i ako Ginoo ug ihatag ha akon an imo grasya nga Diosnon tungod han pagtabang han Mahal nga Birhen Maria han Candelaria ug    tungod man han akon Angel nga magbarantay basi ikaw an akon himaya nga dayon, tuguti ako Ginoo, han   ginpapangaro  namon hini nga Santos nga novena, an kamatayon nga   maupay nga amo an tinikangan han himaya han langit, ug ngan idul-ong man kami ngadto han singbahan nga langitnon, ha pag-atubang han aton Amahan nga buhi ug naghahadi upod ha imo ug an  Espiritu Santo ha dayon nga mga katuigan. Matuman kunta.

V. GOZOS HAN NUESTRA SEÑORA DELA CANDELARIA

Ikaw an Birhen nga Diosnon, ug kalipay nga matuod

O, Birhen han Candelaria

Ha dagat sirang bitoon

Didto ha puro Canarias, ha imo mga kalooy

damo nga gayod an nabuhat, katingalahan nga matuod

usa kagatus nga tuig ha waray pa didto pagtuo

O, Birhen han Candelaria

Ha dagat sirang bitoon

Ha mga Guancheng palaran, an ladawan nakita

ug gin-usisa nira dayon kon ha Dios ka

nga gikan

kundi nagtug-an man hira, kay buot ka

pagtahuron  nga matuod.

O, Birhen han Candelaria

Ha dagat sirang bitoon

Kay nakita man nira an imo buhat nga Diosnon

An mga Hadi nagpakadto han bantog mo nga ginhadian

Ug naghalad ha imo usa nga altar nga matuod

O, Birhen han Candelaria

Ha dagat sirang bitoon

Maria lonlon kalooy, ha tawo ka manlalaban

Ikaw an inahan nga lamrag ug ha dagat ka darangpan

Ha tuna ka mag-uruna  ka nga matuod

O, Birhen han Candelaria

Ha dagat sirang bitoon

Hin-o pa ba ha imo, ha matuod nga nangamuyo

Ug nag-iha madangat an ira mga gintutuyo

Judit ka nga magtaralwas ug darangpan nga matuod

O, Birhen han Candelaria

Ha dagat sirang bitoon

Kabubwason ka nga gayod, ha tuna ka nagsisiga

Ha adlaw han katadungan  ha tawo nga kalibutanon

Ikaw an ira kahayag ug kasiga nga matuod

O, Birhen han Candelaria

Ha dagat sirang bitoon

Hagdan ka man ni Jacob, sanga hi Adan nga nakadaog

han yawa ha langitnon nga karan-on

an imo tiyan nga putli, ha Dios higdaan nga matuod.

O, Birhen han Candelaria

Ha dagat sirang bitoon

Ha mga oras ngatanan, ikaw an kalipay namon

Kay hi Maria putli, maoy manlalaban namon

Kami man gindad-an niya han

ebanghelyo ha pagtoo

O, Birhen han Candelaria

Ha dagat sirang bitoon

Kami man Maria idul-ong han himaya nga matuod

O, Birhen han Candelaria

Ha dagat sirang bitoon

​

​

​

IKADUHA KA ADLAW

O, gihahataasi nga Emperatriz, nga binuhat han ngatanan, han pagkadto ko ha Canarias basi dut-an mo an puro nga pagkadait, gin-pirmahan mo han imo dugo an imo pagkapuno para pag-agakan mo usa nga diwatahan. Kay nakakasamad han imo tudlo, kay iya gintanding kun iya tudlo, idangat mo ako han iya   grasya ug dut-i an imo kalag basi diri ako masamad han samad han sala, nga asay an hinungdan kay igin ula han imo anak nga Diosnon   an iya birilhon nga dugo basi makatawag ako ha imo basi magpulos an akon kalag. Amen.

Maghimaya ka Hadi…

​

IKATULO KA ADLAW

O, maloloy-on nga Birhen Maria, tungod han imo kalooy, gintambal mo an duha nga Guanche nga           nasamad, nga naupay hira dayon han ira pagkapot han usa nga ladawan mo, kay basi pagkita han diwatahan han mga nahinabu nga katingalahan tinuo hira han langitnon nga pagturon-an han imo anak nga santos uyamot.     Tambala an akon kalag han mga samad nga nabuhat dida han sala nga imo kinamatayan kay basi tagan kami hin    grasya nga makakaupay han amon kalag. Amen.

Maghimaya ka Hadi…

​

IKAUPAT KA ADLAW

O, maloloy-on nga humaratag han mga bahandi nga langitnon tungod han paghatag mo han mga tawo han mga iharatag nga marahalon, nahimo mo nga mabug-at an imo ladawan basi diri mahimo nga paras-anon gihapon han mga pobres ug mga salapian kay an ngatanan         gin-tagan hin maupay nga hatag, hatagi ako hin grasya nga ha pagbutang ko han imo ladawan didto han akon dughan ug kalag, mahagugma unta ako ha imo gikan han akon buot, mapuno unta ako han bahandi han grasya, kay basi makapagbalos ako ha imo pinaagi hin pangadi, Amen.

Maghimaya ka Hadi…

​

IKALIMA KA ADLAW

O, matadong nga magtiripig han bahandi ha langit ug tuna, nga binuot ka hin pag-ukoy dida hin usa nga   lungib nga inukyan didto ha Tenerife, nga kinarawat mo an kamahamot nga tunan-on nga ginhalad ha imo,     karawata, O, Birhen nga putli an akon kasing-kasing nga nahugawan han sala, kay basi mabaydan hin grasya ug basi    makaghalad ako ha imo hin mga mag-upay nga  buhat nga iginpapabuhat mo ha akon dida han pangaro ha imo. Amen.

Maghimaya ka Hadi…

IKAUNOM KA ADLAW

O, mahigugmaon nga manlalaban han mga tawo nga diwatahan ug ngan ginlibri mo han kamatayan an usa nga anak han hadi ha Tenerife, ha panmati mo han    pakimalooy han iya bugto, nga bisan diri kristiyano   nakimalooy ha imo, bawion mo ako Birhen nga Iroy, ha sakit han sala  nga amo an hinungdan han pagkamatay han amon kalag ha kamatayan nga dayon. Ug tungod nga makalilisang gud ha akon kalag an oras han pagkamatay, nga waray mabulig ha akon,  ig-ampo mo ako ha imo anak nga Diosnon didto ha hukmanan han langit, kay basi tabangan niya ako ha oras nga makalilisang tubtob yana nakikimalooy ako ha imo pinaagi hin pangadi. Amen.

Maghimaya ka Hadi…

IKAPITO KA ADLAW

O, mapuangoron nga manlalaban han mga tawo, imo ginpahamutan hin pahamot nga magmahamot an Santos nga lungib nga inukyan mo kay pagmisahan didto han nahauna nga misa diri ha una nga lugar nga           mahamot. O, Iroy ko, kuhaa an akon kamabaho ha kalag dara han akon sala, ug han pagbutang mo han imo       mapaso nga gugma dida han Santos nga misa, idangat mo ako han tambal nga igtarambal han akon kalag nga puno hin sala, ngan itugot man ha amon an kahamot han     maupay nga buhat kay basi madangat namon an makakaupay man han akon kalag.  Amen.

Maghimaya ka Hadi…

​

IKAWALO KA ADLAW

Makagarahom nga manlalaban han mga Kristiyanos, ikaw an nagbuhat hin usa nga katingalahan, han paghatag mo hin kandila ug taro, nga hinkit-an han mga diwatahan didto han baybayon basi pagsalin-urogon nira dida han siyahan nga fiesta han panmindita han kandila, ug pagsingbahon kaman nira. O, Iroy nga mapuangoron, idangat mo ako han grasya ug pahumukon mo an kasing-kasing sugad han pagkamahumok han tawo, basi diri na magmabug-at han pamati han tingog han   mahal mo nga anak, pasoon mo an akon kasing-kasing han kalayo han gugma nga Diosnon mga imo anak nga hi Hesus, sugad hin kadako an akon pakimalooy, nga ini nga gugma ihatag mo ha akon basi makaupay ug makalamrag han akon kalag.  Amen.

Maghimaya ka Hadi…

IKASIYAM KA ADLAW

Maghimaya ka Maria, Birhen han Candelaria,  kay basi pagsingbahon hin hingpit nga pagsingba an imo ladawan nga santos didto ha Canarias, ginsugo mo an imo mga Angeles ug mga isda hin pag-prusisyon han imo ladawan ug gin-tapo ka dayon kay an mga isda nag-kakalukso ha dagat ug an mga Angeles nagkaka-lakat didto ha baybayon hin pagsunod ha imo an ira    manunubos isakop mo an akon lawas han kalag mo, ug an akon kasingkasing han mga sugo nga Santos nga Dios. Naglalaum ako han mga kalooy sa Dios nga waray     katapusan, nga pasayloon niya ngan tagan ako niya hin tambal han kaipa nga maraot para han akon kalag ngan tugotan man ako han kinabuhi nga kristohanon. Tungod han iya mga pagtabang mahikaplagan ko an akon mga kalagnon ug lawasnon, nga mga kinahanglanon. Ha   katapusan, naglalaum ako Ginoo, nga hatagan ako hin   kamatayon nga maupay basi makaupod ako han mga   Angeles han pag-atubang ha imo, ug ha pagdayaw kan Jesus basi madangat namon hini nga santos nga novena, matuman kunta.

Maghimaya ka Hadi…

​