top of page

Mga Pag-ampo

AN PAG-AMPO HAN SANTOS NGA ROSARYO



  1. Tungod san Tigaman…

  2. Natoo ako

  3. Amay Namon

  4. Maghimaya ka Maria (tolo ka beses)

  5. Himaya sa Amay

  6. Syahan nga Misteryo ngan pagsundan han Amay Namon

  7. Maghimaya ka Maria (10 ka beses)

  8. Himaya sa Amay

  9. O Jesus ko

  10. Ika-duha nga Misteryo ngan pagsundan han Amay Namon , napulo nga Maghimaya ka Maria, Himaya sa Amay ngan O Jesus ko

  11. Ika-tolo nga Misteryo ngan pagsundan han Amay Namon , napulo nga Maghimaya ka Maria, Himaya sa Amay ngan O Jesus ko

  12. Ika-upat nga Misteryo ngan pagsundan han Amay Namon , napulo nga Maghimaya ka Maria, Himaya sa Amay ngan O Jesus ko

  13. Ika-lima nga Misteryo ngan pagsundan han Amay Namon , napulo nga Maghimaya ka Maria, Himaya sa Amay ngan O Jesus ko

  14. Maghimaya ka Hadi pagsundan han Letania han Virgen [Kun diri na mag-aampo han letania pangangadion dayon an Pag-ampo (no 15).]

  15. Pag-ampo

  16. Sa ngaran sa Amay


Tungod san tigaman + san Santa Cruz,

sa amon + mga kaayaw,

bawi-on Mo kami + Ginoo nga Dios namon.

Sa ngaran san Amay ug san Anak + ug san Espiritu Santo.

Amen.

 

NATOO AKO

Natoo ako sa Dios Amay, nga makagarahum san ngatanan, magburuhat san langit ug san tuna; ug kan Jesucristo, Iya bugtong nga Anak nga aton Ginoo: nga iginpanamkon sa larang san Espiritu Santo; igin-anak ni Santa Maria Virgin; ginsakit sa sugo ni Poncio Pilato; iginraysang sa Cruz; namatay ngan iginlubong; linusad sa mga infierno; sa ikatolo kaadlaw nabuhi liwat dida sa mga minatay; sinmaka sa mga langit; naglilingkod sa too sa Dios Amay nga makagarahum san ngatanan; tikang didto makanhi liwat kay maghuhukum san mga buhi ug san mga minatay. Natoo ako sa Dios Espiritu Santo, nga may Santa Iglesia Catolica; nga may pagka-angbitan san mga santos; nga may ikawawara san mga sala; nga may pagkabuhi san mga lawas; nga may kinabuhi nga waray katubtuban. Amen.

 

AMAY NAMON

Amay namon nga aada ka sa mga langit, pagdayawon an Imo ngaran, ikanhi Mo sa amon an Imo ginhadi-an, ipasunod an Imo pagbuot dinhi sa tuna sugad san pagsunda didto sa langit. Tagan Mo kami niyan san karan’on namon sa ikinaadlaw, pagwad’on Mo an amon mga sala sugad san pagwara namon san nakasala sa amon ngan diri Mo kami bayaan basi diri kami pagdag’on san mga panulay kundi bawi-a kami sa mga karat’an. Amen.

 

MAGHIMAYA KA, MARIA

Maghimaya ka, Maria nga puno ka sin gracia, an Ginoo nga Dios aada sa imo, gindadayaw ka labi san mga babaye ngatanan, ngan gindadayaw man an bunga san tiyan mo, si Jesus. Santa Maria, Iroy sa Dios, ig-ampo mo kami an magpakasasala, niyan ug sa oras sa amon ikamatay. Amen.

 

HIMAYA

Himaya sa Amay, ug sa Anak, ug sa Espiritu Santo.

Sugad sadton tinikangan, niyan, sa kadayunan ug sa ngatanan nga mga katuigan. Amen.

 

FATIMA

O Jesus ko pasaylo-a kami san amon mga sala, gawsa kami san kalayo sa impiyerno, dad-a sa langit an mga kalag ngatanan, labi na gud an nagkikinahanglan san imo pagkalooy.

 

AN MGA MISTERYO HA KALIPAY

(Lunes ug Sabado)

1. An kahimo nga tawo han (san) Dios Anak didto han (san) putli nga tiyan ni Maria Santisima.

2. An pagdu-aw ni Maria Santisima kan Santa Isabel.

3. An pagkatawo han (san) Anak sa Dios didto ha (sa) Belen.

4. An paghalad hin (sin) pagputli ni Maria didto ha (sa) templo ha (sa) Jerusalen.

5. An kawara han (san) Diosnon nga Bata nga didto hi (si) agi-i ha templo.

 

AN MGA MISTERYO HA KASAKIT

(Martes ug Viernes)

1. An pag-ampo ni Jesucisto didto ha (sa) Getsemani.

2. An paghampaka han (san) aton Ginoo Jesucristo.

3. An pagpudongpudongi han (san) aton Ginoo hin (sin) mga tunok.

4. An pagpas-an ni Jesucristo han (san) mabug-at nga Cruz.

5. An pagraysanga ug pagkamatay han aton Ginoo Jesucristo didto ha (sa) Cruz.

 

AN MGA MISTERYO HA KAHAYAG

(Hueves)

1. An pagbunyagi kan Jesus ha (sa) salog han (san) Hordan.

2. An pagpadayag ni Jesus didto han (san) kasal ha (sa) Cana.

3. An pagsangyaw ni Jesus han (san) ginhadian sa Dios, upod in pagtawag ha (sa) pagtoo.

4. An paglubad han (san) dagway ni Jesus.

5. An pagtukod ni Jesus han Sakramento han  (san) Yukaristiya.

 

AN MGA MISTERYO HA HIMAYA

(Miercoles ug Domingo)

1. An pagkabanhaw han (san) aton Ginoo Jesucristo.

2. An pagsaka sa langit han (san) aton Ginoo Jesucristo.

3. An pagkunsad han (san) Espiritu Santo ngada kan Maria Satisima ug an mga Apostoles.

4. An pagsak-an han (san) langit kan Maria Santisima.

5. An pagpudongpudongi kan Maria Santisima hin (sin) pagka Hadi han (san) mga angeles ug mga santos ha (sa) langit.

 

Maghimaya ka Maria, anak sa Dios Amay.Maghimaya ka Maria, Iroy sa Dios Anak.Maghimaya ka Maria, Esposa sa Dios Espiritu Santo.Maghimaya ka Maria, Singbahan ug orokyan han Santisima Trinidad.Maghimaya ka Maria, nga iginpanamkon gawas san sala nga panurondon.

 

MAGHIMAYA KA HADI

Maghimaya ka, hadi, Iroy san kalooy! Kinabuhi, kinatam-is ug ginlalauman namon, maghimaya ka; nagpapanawag kami sa imo, an mga pinanhingilinan nga mga anak ni Eva. Kami sa imo nangangaraba, nagngongoyngoy ug nananangis dinhi sinin kalibutan nga luhaan. Tara, Señora, nga mag-arampo ka namon, ilingi mo sa amon an imo mga mata nga maloloy-on. Ngan kon tapus na an panghingilin, ipakita mo sa amon an imo anak, si Jesus. Ay maaghupon, ay maloloy-on, ay matam-is nga Virgen Maria.

Ig-ampo mo kami, santos nga Iroy sa Dios, Basi kami matakus pagsangput san mga isinaad sa amon ni Jesucristo. Amen.

 

LETANIA HAN VIRGEN

  • Ginoo, kalooye kami.

  • Cristo, kalooye kami.

  • Ginoo, kalooye kami.

  • Cristo, pamati-a kami.

  • Cristo, dungga kami.

 

  • Dios, Amay sa mga langit, kalooye kami.

  • Dios, Anak, Manunubos san kalibutan, kalooye kami.

  • Dios, Espiritu Santo, kalooye kami.

  • Santos nga Trinidad, uusa la nga Dios, kalooye kami.

 

  • Santa Maria, *Ig-ampo mo kami

  • Santos nga Iroy sa Dios, *

  • Santos nga Virgen han mga virgin, *

  • Iroy ni Cristo, *

  • Iroy han diosnon nga gracia, *

  • Iroy nga labi kauray, *

  • Iroy nga labi kaputli, *

  • Iroy nga waray hilabti, *

  • Iroy nga waray hidum-iti, *

  • Iroy nga hirigugmaon, *

  • Iroy nga orosahon, *

  • Iroy san maupay nga kasalagdunan,*

  • Iroy san Taglarang, *

  • Iroy san Manunubos, *

  • Virgen nga labi ka but’anon, *

  • Virgen nga talahuron, *

  • Virgen nga igsarangyaw, *

  • Virgen nga gamhanan, *

  • Virgen nga maloloy’on, *

  • Virgen nga matinumanon, *

  • Salaming san katadungan, *

  • Lingkuranan san kinaadman, *

  • Tinikangan san amon kalipay, *

  • Baso nga espirituhanon, *

  • Baso nga dungganan, *

  • Baso nga hamili san kamainampuon, *

  • Bukad nga kalagnon, *

  • Lantawan ni David, *

  • Lantawan nga tipuso, *

  • Balay nga bulawan, *

  • Hinipusan san ginsaaran, *

  • Ganghaan san langit, *

  • Bitoon san kaagahon, *

  • Kinabuhi san magsinakiton, *

  • Darangpan san magpakasasala, *

  • Maglili-aw san magbiduon, *

  • Hinabang san mga cristianos, *

  • Hadi san Ka angelesan, *

  • Hadi san mga Patriarcas, *

  • Hadi san mga Profetas, *

  • Hadi san mga Apostoles, *

  • Hadi san mga Martires, *

  • Hadi san mga Confesores, *

  • Hadi san mga Virgenes, *

  • Hadi san ngatanan nga mga Santos, *

  • Hadi nga iginpanamkon nga waray sala nga panurondon, *

  • Hadi nga iginsaka sa langit, *

  • Hadi san gisasantosi nga Rosario, *

  • Hadi san kadaet, *

​

 

Cordero sa Dios nga nagkukuha Ka san mga sala san kalibutan, Talwasa kami, Ginoo.Cordero sa Dios nga nagkukuha Ka san mga sala san kalibutan, Dungga kami, Ginoo.Cordero sa Dios nga nagkukuha Ka san mga sala san kalibutan, Kalooye kami.

 

M. – Ig-ampo mo kami, Santos nga Iroy sa Dios.

S. – Basi kami matakus pagsangput san mga saad ni Jesucristo. Amen.

 

PAG-AMPO

O Dios, kay ilinukat man kami san Imo bugtong nga Anak,

pinaagi san Iya kinabuhi, kamatayon ug pagkabanhaw,

san mga balus san kinabuhi nga dayon,

nangangamuyo kami sa Imo

nga kami an nagpapalandong san mga misterio

san gisasantosi nga Rosario san Baraan nga Virgen Maria,

makasunod unta kami san mga tutdo sini nga mga misterio

ug makadangat kami san ira mga iginsasaad.

Tungud kan Jesucristo ngahaw nga amon Ginoo.

Amen.

​

bottom of page