ANGELUS

​

(An pinangangadi kon naorasyon katunod han adlaw)

Ha ngaran han Amay…

Mamaratbat:

An anghel han Ginoo nagpasabot kan Maria.

Sumarabat:

Ug nagpanamkon ha larang han Espiritu Santo.

Maghimaya ka Maria...

M: lini ako nga oripon han Ginoo

S: Matuman dinhi ha akon sugad han imo mga pulong.

Maghimaya ka Maria..

M: Ug an Dios Anak nahimo nga tawo,

S: Ngan nag-ukoy dinhi ha aton.

​

Maghimaya ka Maria..

M: Ig-ampo mo kami, santos nga Iroy han Dios.

S: Basi kami matakus pagsangpot han mga saad ni Jesucristo. Amen.

PAG-AMPO

Nangangamuyo kami ha imo Ginoo,

Nga ibutang mo an imo grasya

dinhi ha amon mga hunahuna;

basi kami, an kinilala dida han pagpasabot han anghel,

han pagpakatawo ni Jesucristo nga imo Anak,

tungod han iya pagsakit ug han iya krus,

pagdad’on kami ngadto han himaya han pagkabanhaw.

Tungod kan Jesucristo ngahaw nga amon Ginoo.

Amen.

Himaya ha Amay…

REGINA COELI

​

(Liwan han Angelus tikang hiton Domingo han Pagkabanhaw ngadto han udto han Pentecostes.)

Ha ngaran han Amay…

M: Reyna han langit, paglipay.

S: Alleluia.

M: Kay an imo gindara hin takus,

S: Alleluia.

​

M: Nabanhaw sugad han siring niya,

S: Alleluia.

M: Ig-ampo kami han Dios,

S: Alleluia.

M: Pagsadya ug paglipay, Virgen Maria, Alleluia.

S: Kay ha tinuod nabanhaw an Ginoo. Alleluia.

PAG-AMPO

O Dios, nga tungod han kabanhaw han imo Anak,

hi Jesucristo nga amon Ginoo,

natakus ka hin paglipay han kalibutan:

ihatag. nangangamuyo kami,

nga tungod han Iroy niya, an Virgen Maria,

hikaplagan namon an mga kalipay

han kinabuhi nga dayon.

Tungod kan Jesucristo ngahaw nga amon Ginoo.

Amen.

Himaya ha Amay…