PREPASYO HAN NGA APOSTOL I
Magmarangno han bungto han Dyos
℣. An Ginoo maada ha iyo.
℟. Ngan maada man ha imo.
℣. Bayawa an iyo mga kasingkasing.
℟. Binabayaw na namon ngadto han Ginoo.
℣. Pagpasalamat kita han Ginoo naton nga Dyos.
℟. Angay ug sadang ini nga pagpasalamat.
Amay nga makagarahum,
angay ug sadang gud nga magpasalamat kami ha imo
pinaagi kan Jesucristo nga amon Ginoo.
Tungod kay ikaw an Magmarangno ha kadayunan,
diri nimo ginpapasagdan an imo panon,
kundi pinaagi han mga apostol,
dayuday nimo kami binabantayan ug pinananlipdan.
Hira nga imo gintungdan nga liwan han imo Anak
nagpapadayon hin panginano ha amon
tikang han ira namumutangan ha langit.
Sanglit upod han ngatanan nga langitnon
nga hugpo kaangelesan,
pag-aawiton namon an imo himaya
hin waray hunong nga pagsering:
Santos, santos santos...